LAWAS: Raban dipadu bejalaika pengawa patut ngemanahka agi sistem servis ngagai mensia mayuh.

Sapit Kepala Menteri Sarawak Datuk Amar Awang Tengah Ali Hasan manah, sida tu datai ari opis enggau ejensi perintah menggi pangku pengawa nentuka polisi perintah ulih datai ngagai rayat.

Iya madahka diri enggai meda pejalai projek pemansang ti dikeandal ulih nyungkak ekonomi rama rayat tejanggal.

“Perintah udah ngelempaika tanggungpengawa nentuka pemujur projek enggau program pemansang ba renggat baruh.

“Enti sema bisi projek bepenanggul, rayat suah agi besalahka pengari rayat taja penanggul nya bepun ari raban bejalaika pengawa enggau piak kunteriktor,” ku iya.

Awang Tengah mansutka jaku nya rambau Pengerami Makai Lemai Nyerumba Progam Ketuai Begulai Enggau Rayat Kampung Punang Lama ba Stadium Tetutup Banting ditu, malam tadi.