KUCHING: Sapit Kepala Menteri Datuk Amar Douglas Uggah Embas andal Sarawak deka bisi kaul kerejasama manah enggau Perintah Sabah ke baru di baruh Kepala Menteri, Datuk Hajiji Mohd Noor.

Kebuah pia ku iya laban Perintah Gempung Parti Sarawak (GPS) ulih bekerejasama nadai ngiri penemu politik seagi mai penguntung ngagai Malaysia kelebih agi Sarawak.

“Sararak semampai ngembuan kaul kerejasama ti manah ngagai semua orang.

“Pekara pemadu beguna ngagai kami (Perintah Sarawak) negika penegap politik Malaysia, nya kebuah kami nyukung Perikatan Nasional (PN),” ku iya.

Uggah mansutka jaku nya lebuh dirandau pengudah nyuaka bantu perintah ngagai Uskup Anglikan di Kuching ungkup ngemansangka baru kolej teologi enggau Palan Latih House of the Epiphany ditu, tadi.