KUCHING: Sekretariat Komiti Penyangga Penusah Ngenyit Nengeri Sarawak (JPNS) madah Sarawak ngerikod tiga kes import ba Pelilih Kuching ngujungka kes positif Covid-19 nambah manggai 709 kes.

Ku iya, kes ke 707 nya siku indu peranak menua ti gawa nyadi indu misi ba sebuah sepital di Mekah baru pulai ari menua Arab Saudi.

Kes ke-708 enggau 709 nya dua iku melaki bini peranak Myanmar ti baru pulai kemisi ari menua asal seduai nengah Kuala Lumpur.

Nadai kes baru udah suman enggau dikemendar pansut ari sepital ngujungka kes positif Covid-19 ti udah suman enggau dikemendar pansut ari sepital mengkang 682 iku tauka 96.19 peratus.

Bisi tiga kes baru agi diperubat ba wad isolasyen ngujungka bisi lapan kes naka kemari iya nya empat iku ba SGH, tiga ba Sepital Miri enggau siti ba Sepital Bintulu.

Kemari, siti kes di Sandakan, Sabah ti diperubat ba Sepital Bintulu udah suman enggau dikemendar pansut ari sepital.

Naka kemari, kes pemati mengkang 19 iku tauka 2.68 peratus seraya 11 PUI baru diripot enggau siti PUI agi nganti pemutus makmal.