KUCHING: Perintah Sarawak deka numbuhka dua Opis Dagang enggau Dagang Temuai Sarawak (Statos) di Bandar Seri Begawan, Brunei Darussalam enggau Pontianak, Indonesia.

Kepala Menteri Datuk Patinggi Abang Johari Tun Openg madah, tu deka nyadi pelasar bala pedagang Sarawak ngelakuka produk ba makit menua nya.

“Kitai merambu pelin tu berindik ari pemujur Statos keterubah ditumbuh ba Singapore.

“Kitai udah ngelala taba endur numbuhka Statos di Brunei tang agi nganti maya ti patut endur ngepunka pengawa dia seraya ba Pontianak kitai agi ngiga taba ti engkeman,” ku iya.

Abang Johari mansutka jaku nya lebuh dipebasa bejadika Hari Pengelantang Pedagang Mikro Sarawak 2020 (HUMKS) ba sebuah hotel tebilang ditu tadi.