KUCHING: Perintah Sarawak semampai beratka kereban diguna pedagang menua tu.

Kepala Menteri, Datuk Patinggi Abang Johari Tun Openg madah, skim bantu pedagang ari sukut perengkaguna bedagang ulih nyungkak penatai pemisi sida.

Ku iya, sida ti bulih bantu tu deka ransing agi ngemajuka dagang enggau ngansah pengelandik sida bedagang.

“Pengelelak enggau pengiruh sida ngemansangka diri ba dagang deka tebalas lebuh semua nya diaku nengah anugerah diterima.

“Sida ti udah mujur nerima anugerah Platinum enggau Diamond tu deka dibai nemuai ngagai menua Jipun enggau Korea pengelama tujuh hari.

“Tuju kitai mai sida tu nemuai kitai laban deka meri awak ngagai sida nambahka penemu baru enggau meda empu makit dagang menua nya,” ku Abang Johari seraya madah pejalai nemuai nya dipelanja penuh Gempung Parti Sarawak (GPS).