KUCHING: Jalai Tamalat nuju Ngungun ba pemanjai 9.6 kilometer dipelaba deka tembu dalam timpuh tiga bulan agi.

Sapit Kepala Menteri Tan Sri Datuk Amar (Dr) James Jemut Masing madahka kemari iya empu udah meresa jalai alun nya.

“Urung 8.6 kilometer jalai nya udah tembu ditar.

“Semina laluh satu kilometer bedau tembu laban sepiak lurung jalai nya bedau ditar,” ku iya dalam siti penerang media kemari.

Kenu ku iya, sida dilalau Opis Kereja Raya (JKR) nutup jalai alun nya bepun 7 Oktober tu ila awakka kereja bala kunteriktor ulih tembu enggau lengkas.

“Enti bisi kes sidin ba jalai alun nya ti ngaul mensia mayuh, projek tu deka lubah agi tembu.

“Lalau aku ngagai mensia mayuh ngambika sida besabar dulu.

“Kita udah nganti jalai alun tu digaga sepengelama 57 taun nyadi aku minta kita nganti tiga bulan agi,” ku iya.