KANOWIT: Kepala Menteri Datuk Patinggi Abang Johari Tun Openg dikelalu enggau manah lebuh sangkai ba palan keterubah di Kedai Serbaguna enggau Tamu Kaunsil Pelilih Kanowit (MDK) beserimbai konvoi motosikal ke Kapit tadi.

Raban sida bepun bejalai ari Eco Garden Sibu Jaya sebedau datai ba Kanowit urung sejam udah nya.

Penatai iya disambut Sapit Menteri Pengerai ll ti mega Kaban Parlimen Kanowit Datuk Aaron Ago Dagang.

Sama datai Adun Machan Allan Gramong, ex-Adun Machan Datuk Sri Gramong Juna, Pemesai Pelilih Kanowit Kathreen Lalai Eddie Saga enggau Sekretari MDK Anthony Luta.

Lebuh datai iya nitihka jaku padah Projek Pemansang ari ejensi ti bejalaika pengawa sebedau betemu enggau bala pedaja di Pasar Tamu MDK.

Sebedau neruska pejalai ngagai Nanga Ngungun enggau Kapit iya bisi ngetu ngirup begulai enggau rayat di Kedai Serbaguna Kanowit.