KUCHING: Sarawak angkat nyadi menua maju nengah pengerembai ekonomi datai ba taun 2030.

Kepala Menteri Datuk Patinggi Abang Johari Tun Openg madah, rayat nerima pemaik ari pengerembai ekonomi nya.

Ku iya, Sarawak patut nambahka produktiviti ngambi ulih besemekih enggau nangkup peminta kelimpah nyaga pemeresi, pengerai enggau penegap ekonomi nyentuk jemah.

“Juluk tu ukai semina ngaul pekara ngerembaika ekonomi aja tang kitai deka nambahka pemansut belanja menua ungkup pengelantang rayat.

“Nya alai aku meri terima kasih SEAC, bala menteri, komiti kereja ari pemesai perintah sereta sektor pribit laban udah bebendar gawa ngemujurka Strategi Ekonomi Pengudah Covid-19.

“Kitai chukup betuah laban bisi sukung tegut ari semua piak dikena ngerumban pelin penumbuh ekonomi menua tu,” ku iya.

Abang Johari madah munyi nya lebuh meri jaku pengelalu bejadika Ekonomi Digital Entarabansa Sarawak (IDECS) 2020 di Palan Aum Besai Borneo Kuching (BCCK) ditu, tadi.

Berita penuh Ruai 2 pagila.