KUCHING: TV Sarawak (TVS) deka mantaika program ‘Talk Show’ Iban Global, ku Ketuai Pemesai Eksekutif iya, Suhaimi Sulaiman.

Suhaimi madah, program tu keterubah ditumbuh di selampur menua enggau pengeluar program Iban Gobal tu ila iya nya Priscilla John Pillai.

“Ba program tu, Priscilla deka berandau enggau ketuai komuniti Iban bekaul isu baka pemansang, inovasi, penanggul sosial enggau kualiti pengidup ba komuniti Iban.

“Nyadi, program tu deka meda persfektif penemu ari komuniti Iban, “ ku iya.

Suhaimi madah munyi nya lebuh dirandau Suara Sarawak ba Opis TV Sarawak (TVS) di Cityone, ditu, apin lama ke udah.

Nangkan nya iya madah program Sada Kenyalang mega bisi dipandang ba TVS sentang randau peransang begulai enggau raban pemerindang ari menua Sarawak empu.

“Ba episod keterubah tu ila, kitai deka berandau enggau Melissa Francis awakkka nemu pengerembai ‘karier’ iya ba dunya pemerindang sereta pemar ditapi iya,” ku tandu iya.

Program Sada Kenyalang tu deka dikemujur pemberita TVS empu iya nya Steward Dawi.