KUCHING: Siku Chairman Komiti Pemansang enggau Pengelikun Genturung Pendiau (JKKK) begulai enggau dua iku lelaki ti ditan riman Hari Tiga tu tadi dilepas enggau jamin Komiti Nagang Penyalah Makai Suap Malaysia (SPRM), ditu tadi.

Majistret Zaiton Anuar ngeluarka perintah pengudah timpuh reman sida tiga udah abis seharitu.

Kena Hari Tiga tu tadi, ketetiga saspek ditan reman ngambi mantu pansik kes salah guna agih belanja geran Projek Mit Pemansang Menua Pesisir (MRP).

Nitihka penerang, dua saspek nya beumur 57 taun seraya siku agi beumur 27 taun ditan pemesai SPRM malam Hari Dua tu tadi.

Nangkan nya, penerang madahka semua saspek dipelaba salah guna agih belanja MRP ti dipasuk dalam akaun Komiti Pemansang enggau Pengelikun Genturung Pendiau (JKKK) penyampau RM50,000 ungkup bayar panjar meli lori lima tan dikena iya empu.

Pansik deka dipejalai di baruh Seksyen 23 Akta SPRM 2009.