KUCHING: Menteri Pelajar, Sains enggau Pansik Teknologi Datuk Amar Micheal Manyin Jawong orang keterubah nerima pangkat basa enggau midul beserimbai enggau Hari Pengada Tuai Pemegai Menua Tun Abdul Taib Mahmud ke-84, ditu kemari.

Iya diberi anugerah Darjah Utama Yang Amat Mulia Bintang Kenyalang Sarawak Datuk Amar Bintang Kenyalang (DA) ti mai gelar Datuk Amar.

Kelimpah Manyin, Adun Stakan Datuk Amar Mohammad Ali Mahmud mega entara penerima gelar basa ke pemadu tinggi nya.

Nangkan ke nya, Menteri Dagang Dalam Nengeri enggau Pekara Penguna Datuk Sri Alexander Nanta Linggi, Adun Katibas Datuk Sri Ambrose Blikau Enturan enggau Panglima Raban Soldadu Jeneral Datuk Sri Affendi Buang nerima gelar basa Panglima Negara Bintang Sarawak (PNBS) ti mai gelar Datuk Sri.

Berebak enggau nya, Menteri Muda Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Rosey Yunus enggau Sekretari Perintah Besai Sarawak Mohd Shahabuddin Omar dianugerahka gelar basa Panglima Gemilang Bintang Kenyalang (PGBK) ti mai gelar Datuk.

Tun Taib mega meri anugerah Darjah Jasa Bakti Sarawak (DJBS) ke mai gelar Datu ngagai Direktor Unit Pengelikun enggau Penerit Adat Datu Dr Chai Khin Chung, Sekretari Mendam Opis Menteri Pengangkut Buckland Bangik,

Direktor Unit Sumber Manusia Datu Ismail Mohamad Hanis, Ketuai Pengerejister Kort Anak Nengeri Sarawak Datu Ronnie Edward enggau Menijar Besai Kaunsil Pemansang Bintulu Datu Roziah Morshidi.

Enda tinggal nerima gelar basa Panglima Setia Bintang Sarawak (PSBS) ti mai gelar Dato iya nya bini Sapit Kepala Menteri Datuk Amar Douglas Uggah Embas, Dato Doreen Mayang enggau bini Sapit Kepala Menteri Tan Sri Dr James Jemut Masing, Dato Corrine Masing, ex-Adun Dato Tan Joo Phoi enggau Dato Michael Sim Kiam Hui, ex-Direktor Opis Pengerai Nengeri Dato Dr Jamilah Hashim, ex-Direktor Opis Pemadah Nengeri Dato Shafiee Yaman, Dato Chai Moi Fong, Dato Sim Kiang Chiok, Dato Dr Philip Raja, Dato Bobby Ting Sie Ching, Dato Ahmadi Yusoff, Dato Keripin Nangkai, Dato Azizi Morni, Dato Tan Guek Kee, Dato Pengiran Jawa Pengiran Amzah, Dato Ting Choon Hua enggau Dato Temenggong Ang Keng Su.

Sama bisi datai ba pengerami nya kemari bini Tun Taib, Toh Puan Datuk Patinggi Raghad Kurdi Taib, Kepala Menteri Datuk Patinggi Abang Abdul Rahman Johari Tun Abang Openg enggau bini Datuk Amar Juma’ani Tun Tuanku Bujang, Speaker Dewan Undangan Negeri , Datuk Amar Mohd. Asfia Awang Nasar enggau Dato Fatimah Iskandar sereta bala bukai.