KUCHING: Komuniti Iban di Sarawak deka diangkat nengah stesyen TV baru, TVS ke bepun dipancharka kemari. Program khas tu deka dibantai nengah program randau TV enggau Iban Global.

Bansa Iban endang siti ari 27 suku bansa ke pemadu mayuh nguan menua Sarawak lalu dikelala ngembuan pengaya adat enggau main asal. Segmen pengelama 30 minit nya endang keterubah iya di dunya mantaika penemu enggau peragam runding ari komuniti Iban.

ketuai Pemesai Eksekutif Sarawak Media Gerup (SMG) Suhaimi Sulaiman madah, program nya deka dikemujurka Prisilla John Pillai.

Nengah program nya Priscilla deka nyerungkai penemu, pengidup bansa Iban nengah tinjau ke lebih dalam.

“Iya deka ngerandau bala ketuai tebilang ari bansa Iban enggau berandauka isu bekaul enggau inovasyen, rama , pemansang enggau kualiti pengidup komuniti Iban, ku Suhaimi ke mega artis media ba menua tu.

Suhaimi madah, kelimpah ari Iban Global dua agi program pasal raban ketuai enggau visyen tu ila deka dikemujurka pengelicha Unimas Dr Hamrila Abdul Latip enggau Bual R & D.

PROGRAM MANAH…Singgar Kuyah enggau sida semenyadi bela rindang meda program ‘Suara Wanita’ ke baru dipandang TVS nengah channel 122 Astro ba Taman Stakan Jaya, Kota Samarahan urung pukul 6.15 lemai kemari.