KUCHING: Juluk peranak Kampung Tringgus, Serembu ngembuan sebuah gerija baru deka nyadi nyata pengudah pengawa nirika Gerija Katolik St. Sylvester Tringgus nyau deka tembu.

Adun Serembu, Miro Simuh madah, pengawa nirika gerija nya ngena agih belanja penyampau RM300,000 ba renggat keterubah di baruh Program Transfomasyen Menua Pesisir (RTP) ba taun 2018.

“Ba renggat kedua, RM200,000 udah diagih lalu ba renggat ketiga, ditambah Unit Pekara Pengarap Bukai (Unifor) penyampau RM100,000,” ku iya lebuh dirandau, ditu ensanus.

Miro madahka gerija tu digaga peranak ditu enggau chara beripai nyengkaum pengereja landik.

“Naka tu, gerija nya udah tembu 95 peratus lalu bisi diubah mimit sebedau tembu penuh,” terang iya.

Miro mega madahka rumah sembiang tu ulih ngundan manggai 600 iku ungkup siti pengawa.

GERIJA BARU… Gambar ari luar Gerija Katolik St. Sylvester Tringgus ti deka tembu enda lama agi.GAMBAR PEMERI ARI MIRO