SRI AMAN: Perintah Besai udah ngemendar Projek Jalai Bukit Balau-Banting ti beungkus RM38.92 juta enggau tembu dalam taun 2023.

Adun Bukit Begunan, Datuk Mong Dagang madahka perintah keran nentuka genap rayat kelebih agi ba menua pesisir nerima buah pemansang.

Iya mega madah, peranak Lingga deka disikap perengkaguna ke meruan pengudah projek jalai tu tembu ila.

Ku iya projek jalai tu deka dipejalai kunteriktor Welfield Services Sdn Bhd enggau dipatau Menijar JKR (Opis Kereja Raya) Wilayah Selatan.

Mong mansutka jaku nya ba Pengawa Nyerahka Taba Projek Jalai Ari Bukit Balau-Banting ngagai Kunteriktor ba Balai Raya Banting, ditu kemari.

Mong mega madah, JKR Opis Wilayah Selatan deka nyadi ejensi pengatur projek jalai tu ila.

Pia mega ku Mong, projek tu dipejalai berengkah 12 Oktober lalu disadang tembu 11 April 2023 nitihka timpuh kunterik.

Berita penuh R8 pagila