KUCHING: Penanggul suntuk pengereja menua luar ba sektor berumah entara kebuah sekeda projek laun tembu kelebih agi projek besai ba Sarawak.

Sapit Kepala Menteri Tan Sri James Jemut Masing madah, nya ukai nyadi penanggul bejalaika projek ungkup rayat ditu taja Sarawak begunaka mayuh agi pengereja menua luar ba sektor berumah.

“Berindik ari pengerekai Covid-19, kitai ngetu ngaji pengereja menua luar laban semina enggau chara nya kitai ulih nagang igi penyakit tu.

“Nya mih siti penanggul kitai tang bisi pemanah iya ngambi kitai ulih nagang pandemik tu,” ku Masing.

Masing mansutka jaku nya ba aum pemberita pengudah bejadika Bengkel Atur Kunterik pasal Pejalai Projek Perintah Sarawak ba sebuah hotel tebilang, ditu tadi.