KUCHING: Penyangkai kapal tasik dalam diperambu ba Tanjung Po beguna amat dikena ngerumban pemansang menua tu.

Sapit Kepala Menteri Tan Sri Dr James Jemut Masing madah, nadai menua ulih mansang enti nadai palan penyangkai kapal tasik dalam.

Ku iya, perambu tu digaga laban Kuching nadai penyangkai kapal tasik dalam.

“Kitai merambu sebuah penyangkai kapal tasik dalam digaga ba Tanjung Po ditu.

“Perintah Sarawak udah ngemendarka agih belanja penyampau RM8 juta dikena bala perunding bejalaika pansik pasal penyangkai kapal tu,” ku iya.

Masing mansutka jaku nya ba aum pemberita di opis iya di Bangunan Baitul Makmur ditu tadi.

Iya ti mega Menteri Infrastruktur enggau Palan Penyangkai Kapal madah, asil pansik nya disadang ulih dibantai dalam bulan Januari taun baru.