SIBU: Bangkai siku lelaki diripotka labuh ba belakang bot ekspres ba Terminal Ekspres Daro, Jalai Khoo Peng Loong kena Hari Satu tu tadi udah ditemu tadi.

Ba sebengkah penerang ari Palan Operasyen (PGO) Bomba Sarawak,bangkai niang ditemu melepung urung 150 meter ari endur iya labuh.

“Operasyen nyidi enggau nyelamat (SAR) bomba ba endur nya udah ngeripot bangkai niang ditemu piak Kaunsil Sungai Sarawak (LSS) melepung ba sungai pukul 11.28 pagi tadi urung 150 meter ari endur penusah nya nyadi.

“Bangkai nya dibai ngagai Terminal Ekspres Daro enggau dianjung ngagai piak polis ungkup atur bukai,” ku iya.