MIRI: Bala pekebun mesti ngemansangka pengawa betanam betupi ngena chara moden, pia ku Menteri Utiliti Datuk Sri Stephen Rundi Utom.

Pia mega ku Rundi, bala pekebun mesti regas ba pengawa betanam betupi nentuka sida mujur enggau teulihka asil ti mayuh.

“Bala pekebun mesti regas ngemansang diri ari sukut betanam betupi.

“Pengawa ngiga penemu baru nya beguna amat ngambi kitai ulih nyungkak sektor betanam betupi di menua tu,” ku Rundi.

Rundi mansutka jaku nya lebuh bejadika Pengawa Nangguh Program Betanam Betupi Ngaul Komuniti (AgriCOP) di Rumah Webster Rangkong, Sungai Putih, Suai, ditu ensanus.

Program AgriCOP diatur ditu pengelama dua hari nengah Opis Betanam Betupi Bagi Menua Miri.