KUCHING: Kampung Nyabor di Kabong, Saratok udah dirintai dalam Pelin Sambung Digital Menua (Jendela) ba renggat deka datai.

Sapit Menteri Pengeluar Kuasa enggau Pengeraja Asal, Ali Biju madah, Perintah Besai komited ngemesaika bungkur arus penyambung ngagai peranak menua pesisir kelebih agi Pelilih Kabong nengah insiatif nya.

Ku iya, Komiti Komunikasyen enggau Multimedia Malaysia (SKMM) udah dipadu nyadi ejensi ngemujur, matau enggau ngintu semua projek dipejalai di baruh Jendela selampur Sarawak.

“Tu berita manah ngagai peranak diau di Kabong kelebih agi ba Kampung Nyabor laban sida dia deka ngasaika arus penyambung 4G ti deras agi pengudah projek tembu ila.

“Kitai pechaya, pemujur SKMM bejalaika Projek Meri Servis Sebela (USP) sebedau tu ngaul pengawa nirika 25 iti tiang pemanchar komunikasyen enggau ngemanah 32 iti tiang pemanchar komunikasyen ke bisi ngagai 3G/4G mai empas besai ngagai pemansang infrastruktur penyambung ditu,” Ku iya.

Ali mansutka penemu nya ngagai Suara Sarawak rambau pejalai nemuai gawa ngagai Opis SKMM di indu mengeri ditu, apin lama ke udah.

Berita penuh Ruai 5 pagila

MAI PENGELANTANG… Tiang Pemanchar Komunikasyen USP Lubok Kepayang didirika SKMM udah meri servis arus penyambung ngagai peranak dia.