JAKARTA: Siku nembiak benama Sameer Anwar asal Selandia Baru kesal agi pengudah blok Lego mit disegul ke dalam idung iya nyau mengkang dia.

Iya mega ngaku sengaja nyegulka utai kayam nya ke dalam lubang idung tang enda nyangka utai nya tau lekat dalam idung.

“Aku sengaja nyegulka utai kayam ke dalam idung. Kesal amat ati lebuh utai nya nyau temengkang dalam din,” ku Sameer.

Meda baka nya, Sameer lalu beguai madahka pekara nya ngagai apai indai iya.

“Nyau hari siti baru iya madah ngagai kami duai pasal bisi namaka utai kayam dalam lubang idung iya.

“Kami nguji ngulihka utai kayam ti mengkang dalam idung iya tang puntan,” ku apai iya benama Mudassir Anwar.

Apai indai iya udah minta bantu ngagai lutur meresa idung Sammer tang sida nadai tetemuka utai kayam bechura chelum nya.

Lutur mega madah, nyangka utai kayam nya ukai tekait ba lubang idung iya tang terus tama ke dalam tubuh Sameer.