KUALA LUMPUR: Polis diatu benung ngiga saspek kes judi online enggau Macau Scam ti ngelarika diri pengudah dilepas Komiti Nagang Penyalah Makai Suap Malaysia (SPRM) kena Hari Minggu tu tadi.

Lelaki nya benama Goh Leong Yeong, 32 taun enggau adres kepenudi iya nya di Miharja Condo, Bt. 2 1/2, Off Jln Cheras, Kuala Lumpur.

Direktor Opis Pansik Penyalah Bukit Aman Datuk Huzir Mohamed madah, saspek bisi kaul dalam tiga kes di baruh Seksyen 4(1)(c) Akta Rumah Judi Terbuka 1953.

“Saspek bisi kaul enggau judi online ba Kuala Lumpur enggau Selangor ngelarika diri pengudah dilepas enggau jamin SPRM apin lama laban bisi kaul ba kes Macau Scam,” ku iya nerang, ditu tadi.

Mensia mayuh ke bisi penerang pasal pekara tu, tau telefon ngagai Ketuai Unit Pansik Penyalah Indu Opis Polis Pelilih Cheras DSP Ahmad Zamri Jai ba lumur, 012-8993622 tauka pemesai pansik Insp Muhamad Faizal Asuar ba lumur, 017-3126411 tauka ba balai polis semak sida.

Kena Hari Minggu tu tadi, siku saspek sindiket ngaga duit pelesu bisi kaul enggau dagang artis menua, diripotka ngelarika diri ari ditan piak polis enggau ditemu niki pagar SPRM.