SARATOK: Sekula Sekondari (SMK) Saratok deka digaga baru nengah belanja ari Langgur Pemansang Malaysia Lumpar Ke-12 (RMK-12) bepun taun baru (2021), ku Sapit Menteri Pengeluar Kuasa enggau Pengeraja Asal, Ali Biju.

Iya madah, perambu ngaga baru sekula nya ke alai tebal agi begunan ke bisi diatu deka digaga baru lalu sekeda ke bukai diseleti nitih pematut.

“Nya kebuah kitai begunaka timpuh panjai bejalaika projek tu laban mungkur semua begunan sekula enggau penyikap perengkaguna ke bukai.

“Nambahka nya, keretas kereja projek tu bepun taun baru lalu kebendar diatu udah bisi digaga lalu disadang berengkah dipejalai abis laun pun taun baru,” ku iya.

Ali mansutka jaku nya lebuh dipebasa nyerahka jemari (locker) buding nengah Projek Mesra Rakyat (PMR) di baruh Pakej Nyungkak Ekonomi (PRE) Prihatin ba SMK Saratok ditu, pagi tadi.

Ku iya, sekula bukai ti udah dikelala mega deka diseleti tauka digaga baru ngena agih belanja khas ari inisiatif Perintah Pakatan Nasional (PN) betuaika Menteri Besai Tan Seri Muhyiddin Yassin enggau Menteri Pelajar Malaysia, Dr. Mohd Radzi Md Jidin.