KUCHING: Pengawa nirika begunan Turu Main Asal Dayak (DCF) enggau Balai Dagang enggau Industri Dayak (DCCI) nyadi kelai basa nipakka pemansang bansa Dayak di menua tu.

Kepala Menteri Datuk Patinggi Abang Johari Tun Openg madahka diri Kepala Menteri ungkup semua bansa di Sarawak.

“Bansa Dayak nengah DCF enggau DCCI mesti mansang seriris enggau pemansang digital.

“Komuniti Dayak patut nyikap diri dalam pemansang dagang lalu enda ninggalka chara tauka adat asal bansa diri.

“Nya kebuah aku nirika sebuah begunan DCCI ungkup pemansang dagang lalu sebuah begunan DCF ungkup ngetanka adat enggau main asal bansa Dayak,” ku iya.

Abang Johari bejaku munyi nya ba Pengawa Bejadika Begunan Indu Opis DCF enggau DCCI di Jalai Ong Tiang Swee ditu tadi.

Berita penuh Ruai 2 pagila