KUCHING: Pengawa nirika stesyen ngisi petrol, kuasa karan enggau hidrogen ari Perintah Sarawak nya pengawa ke manah nangkup sektor perengka pengangkut gadung ba menua tu.

Pemikir Ekonomi Prof Madya Dr Madeline Berma madah, pekara tu ulih nangkup peminta timpuh panjai penguna ba Sarawak.

“Pengawa nirika stesyen tu deka ngangkatka Sarawak nyadi nengeri keterubah ngembuan stesyen ngisi hidrogen komersial ukai semina ba Malaysia tang mega rantau Asia.

“Inisiatif tu ulih nyendiaka mayuh stesyen ngagai bala penguna ngulihka servis ba sebuah stesyen nyengkaum minyak asal.

“Ngechaj kuasa karan ungkup entukar elektrik bateri (BEV) seraya gis hidrogen ungkup entukar elektrik sel hidrogen (Hydrogen fuel cell electric vehicle (FCEV),” terang iya.

Madeline mansutka jaku nya lebuh dirandau Suara Sarawak bekaul buah penemu iya pasal penumbuh stesyen ngisi minyak begulai, ditu tadi.