KUCHING: Kuching Skill College (KSC) udah meri latih kulinari enggau nadai bebayar ungkup lima iku penyereta ari Palan Mulaika Pemanah Ulah Gian Dadah Narkotik (Puspen) Kuching.

Ketuai Pemesai Eksekutif iya, Novert Sullang madah, latih kulinari tu meri peluang kedua ngagai sida ngubah pengidup enggau ngiri penemu pasal pengelandik seni kulinari enggau pengawa bedagang.

Ku Novert, latih kulinari nadai bebayar tu dipejalai nengah Program Latih Ngenegap Kaul Indu enggau Pengawa Dagang Sarawak (Sweet), ditu kemari.

Iya madah, bala penyereta belajarka pengelandik mela bemacham bansa pemakai enggau ke bukai.

“Tebal agi, bala penyereta enda kala berunding ulih belajarka seni kulinari laban pengidup sida ngelama tu salah singkang ngereja ulah enda menuku,” ku iya.

“Sida mega nyangka diri nadai peluang teulihka pemujur ba pengidup pengudah mulaika pemanah ulah.

“Tang kami ba KSC keran ngubah pengidup sida enggau meri peluang ngambi sida ulih berubah nyadi mensia ti menyana,” ku Novert.

Berita penuh Ruai 8 pagila

TERIMA KASIH… Christopher meri tepa ngagai Novert kelai terima kasih laban udah ngemujurka pengawa tu.