SIBU: Bini Kepala Menteri, Datin Patinggi Juma’ani Tuanku Bujang udah ngabas Balai Bomba enggau Penyah Penusah (BBP) Sibu Sentral ditu, kilah ensanus.

Sama nyempulang pejalai Dato Juma’ani iya nya Chairperson Maksak Indu Nengeri Sarawak, Datin Amar Evelyn Ritikos enggau Temenggung Datuk Wan Hamid Edruce Tuanku Mohamad.

Direktor Opis Bomba enggau Penyah Penusah Malaysia (JBPM) Sarawak Khirudin Drahman, Ketuai Bomba Zon Sibu Janggan Muling enggau Ketuai BBP Sibu Sentral, Abdul Mutalif Ja’afar udah ngambat penatai Dato Juma’ani enggau bala iya.

Ba pengawa nya, Juma’ani mega udah nyuaka Kit Nagang Covid-19 ngagai raban bomba enggau Raban Penyaga Orang Periman Sarawak Sibu.

Pia mega, iya udah nyuaka kereban elektrik ungkup diguna raban bomba gawa ba BBP Sibu Central.

Nangkan nya, sida ti tasah angus ba Rumah Langi Ambau ba Pasai Siong Tengah, Sibu tu angus kena 19 Oktober tu tadi mega nerima pemeri ari Juma’ani lebuh nya.

KENANG NEMUAI… Juma’ani begambar kenang enggau raban bomba BBP Sibu Sentral.