BINTULU: Pengulih industri produk halal Malaysia diatu majak nerima peminta ari penguna menua tu empu enggau menua luar kelebih agi sida ti ukai bepengarap Islam.

Adun Samalaju Majang Renggi madah, penguna diatu nemu kualiti produk enggau servis ti bisi standard halal.

Ku iya, sedarka pengulih industri nyendia enggau nginjin pemakai, udah nyadi tanggungpengawa ngulihka setipikit BeSS, MeSTI enggau Halal tu patut bepun ari pedagang nya empu.

“Bala pedagang ngaul diri ba sektor ngeluarka produk pemakai patut ngerebut peluang tu ngerembaika makit nyentuk menua luar.

“Setipikit Halal ari Jais deka mudah agi diulih enti sema bala pedagang bisi setipikit BeSS tauka MeSTI ari Opis Menteri Pengerai Malaysia,” ku iya.

Majang bejaku ngarika Menteri Muda Dagang Entarabansa enggau Industri, Terminal enggau Pemansang Orang Dagang Datuk Haji Mohd Naroden Majais bejadika Kus BeSS MeSTI HALAL ditu tadi.