SARATOK: Ketuai raban bansa kelebih agi tuai rumah diansak anang lembau bepintaka projek pemansang ungkup rumah panjai sida.

Tuai Rumah Langan Limping madah, udah nyadi pangku pengawa bala tuai rumah bejakuka peminta nembiak redak sida ngagai pengari rayat ke udah dipilih.

Ku iya, enti sekali dua peminta apin disaut tauka nerima timbal, kitai enda tau mantul ati nandu baru peminta nya.

“Baka kitai ke mayuh anak, endang bela ka bepintaka utai lebuh ngalu ke pasar, bisi nya ulih dibeli tekala nya, bisi nya nganti dulu. Enda ulih diberi seretai.

“Baka nya mega kitai ti bepintaka projek tu. Enda ulih diberi berebak, bisi nya dulu lalu bisi mega dudi diberi.

“Ari nya kitai anang lembau betanya ngagai opis kin pasal status projek dipinta kitai. Kitai mesti ka bisi pengiruh, baru bisi asil,” ku iya.

Tuai Rumah Langan mansutka jaku nya ba Program Randau Begulai Enggau Rayat dipenyadika Sapit Menteri Pengeluar Kuasa enggau Pengeraja Asal, Ali Biju, ba Munggu Tapang, Ulu Sebetan ditu, malam tadi.

Berita penuh Ruai 6 pagila