MARUDI: Lima kandang menua ti udah disukat kelingi ngena Seksyen 6 diatu benung disukat ngena Seksyen 18.

Menteri Muda Kaunsil Kandang Menua enggau Pengawa Berumah, Datuk Penguang Manggil madah, tu status pemadu baru Ripot Nyukat Tanah Adat Bansa Asal (NCR) ungkup sitak nya.

Ku iya, ripot nya udah diterima ari Opis Tanah enggau Survey Miri kena 23 Oktober tu tadi.

“Tu berita manah ngagai peranak Rumah Justine di Sungai Entulang, Rumah Anthony Kedit di Logan Manuk, Rumah Thomas Tan di Sungai Temam enggau Kampung Melayu Beluru.

“Lima menua ke bukai udah tembu disukat ngena Seksyen 6 lalu diatu agi nganti ngambika digazet iya nya ba Long Ajoi, Sungai Nipa, Sungai Arang, Sungai Buloh enggau Sungai Liam,” ku Penguang ba sebengkah penerang nengah Facebook iya, kemari.

Berita penuh Ruai 8 pagila.