KUCHING: Komiti Penyangga Penusah Ngenyit (JPBN) Sarawak madahka Atur Tagang Pejalai Diterit (PKPD) ba Kampung Haji Baki deka dipejalai berengkah 28 Oktober nyentuk ke 10 November tu.

Chairman iya, Datuk Amar Douglas Uggah Embas madahka tiga genturung pendiau tu iya nya Kampung Haji Baki Blok A, Kampung Haji Baki Blok B enggau Kampung Haji Baki Blok C.

Pia mega ku iya, Polis DiRaja Malaysia (PDRM) bempu tanggungpengawa neritka atur ba endur ti ditemu bisi kes berampit disaup Raban Soldadu Malaysia (ATM), Raban Penyaga Orang Periman (APM) enggau Rela.

Uggah madahka semua peranak dia ditagang pansut ari rumah kelimpah ari kes ngenyit baka sakit enggau pemati lalu sida mesti minta pemendar ari PDRM enti pansut ari zon nya.

“Opis Menteri Pengerai Malaysia (KKM) deka bejalaika pengawa beperesa Covid-19 ngagai semua peranak dia lalu bekal pemakai deka disadung Perintah Negeri nengah Komiti Penyangga Penusah Ngenyit Begian Kuching.

“Semua pengaji (perintah tauka peribit) mesti meri kerejasama lalu meri pemendar pengereja sida gawa ari rumah,” ku Uggah nerang.

Berita penuh Ruai 6 pagila