MIRI: Projek Nangkir Sepital Miri ke beungkus RM289.2 juta dipelaba tembu ujung taun 2023.

Kelapa Menteri Datuk Patinggi Abang Johari Tun Openg ngarapka udah sepital tembu ditangkir ila ulih tetangkupka pemayuh tubuh peranak di Wilayah Utara dipelaba manggai 789,376 iku ba taun 2025.

Ku iya, pemayuh tubuh ditaga nyampau nya laban kira-kira 428,657 iku nambah ninting taun.

“Kediatu pemayuh tubuh orang diau ba Wilayah Utara iya nya Bintulu, Miri enggau Limbang udah manggai 650,343iku enti dibanding enggau 823 buah katil ke bisi di sepital.

“Sepital Miri mesti ditangkir besai agi ngambi tetangkup peminta pesakit, ulih nambahka pemayuh katil, kereban berubat nyengkaum pengereja enggau servis ti meruan agi,” ku iya.

Abang Johari bejaku munyi nya ba pengawa Bejadika Pengawa Nasih Tanah Projek Nangkir Sepital Miri ditu tadi.