MIRI: Siku bebadi nyawa ba penusah kapal Dayang Topaz ngelantak pelantar minyak ba kandang tasik Kuala Baram tumu pagi tadi.

Nitihka penerang ari Ejensi Penerit Adat Maritim Malaysia (APMM), semua kru kapal MV Dayang Topaz ke selamat mujur dibai pulai ngagai Palan Penyangkai Kapal Miri pukul 2.30 lemai lalu diperubat bala lutur.

Ejensi nya madahka kapal ti nyau deka karam sebedau kapten enggau kru kapal nyelamatka penusah nya maya hari jai enggau gelumbang besai nya diatu udah sangkai urung empat baru nautika ari Kuala Sungai Miri.

Pia mega, siku kru kapal ti bebadi nyawa sereta 187 kru udah dibai pulai ngagai Palan Penyangkai Kapal Miri.

Nitihka penerang ari Palan Matau enggau Nyelamat Maritim (MRCC) Putrajaya madahka, semua kru kapal ngulu operasyen nyidi enggau nyelamat (SAR) kelimpah ari dua iku ti bakal dalam aksiden urung 6.45 pagi tadi.

“Dua kru ti bakal nya udah dianjung ngagai Platform Naga 2 ngambi dibai bilun engkabang Petronas ngagai Penyangkai Bilun Miri ungkup diperubat ba Sepital Miri,” ku penerang nya. – BERNAMA