KUCHING: Nadai kluster baru kes Covid-19 ditemu di Sarawak sehari tu tang lima kluster ke bisi diatu agi berampit, ku Sapit Kepala Menteri Datuk Amar Douglas Uggah Embas.

Iya ti mega Chairman Komiti Penyangga Penusah Ngenyit Negeri Sarawak (JPBNS) madahka kluster ti agi berampit nya kluster Bah Arnab, kluster Baki, kluster Seladah enggau kluster Green Hill di Kuching sereta kluster Putra di Bintulu.

“Sehari tu bisi 19 PUI baru diripotka enggau empat PUI agi nganti pemutus ari makmal.

“Nambahka nya, Pelilih Kuching mengkang status mirah enggau 77 kes berampit dalam menua diripotka dalam timpuh 14 hari ke udah,” ku iya ba aum media pandemik Covid-19 ditu tadi.

Uggah nambah, tu ngujungka siti pelilih status mirah seraya 39 ke bukai mengkang status gadung.