KUCHING: Naka diatu nadai jalai diempang taja Pelilih Kuching ditetapka zon mirah Covid-19.

Taja pia ku Chairman Komiti Penyangga Penusah Ngenyit Negeri (JPBN) Datuk Amar Douglas Uggah Embas, peranak ari luar Kuching dilalau anang kitu dulu kelimpah ari bisi pengawa ke enda ulih diseliahka.

“Kami mega ngarapka peranak ba Kuching diau ba rumah enggau anang bejalai ngagai pelilih bukai.

“Diau ba rumah aja,” ku iya nerang ngagai pemberita pengudah ngabas bilik operasyen ti didiri ba laman Masjid Kampung Haji Baki, kemari beduduk ari Atur Tagang Pejalai Diterit (PKPD).

Uggah ti mega Sapit Kepala Menteri madah, mayuh pekara mesti diperunding lebuh bejalaika PKPD.