KUCHING: Pelilih Lundu, Miri enggau Limbang betukar status kuning udah ngerikod kes dalam timpuh 14 hari seraya Pelilih Kuching mengkang ba status mirah sehari tu.

Komiti Penyangga Penusah Ngenyit Negeri Sarawak (JPBNS) madahka 36 buah pelilih ke bukai mengkang ba status gadung.

“Kemari mega nadai ngerikod kluster baru ngujungka kluster ti agi ngerekai di Sarawak mengkang lima.

“Kluster Green Hill bisi ngerikod kes positif Covid-19 baru iya nya tujuh kes seraya Kluster Bah Arnab, Putra, Seladah enggau Baki bela nadai ngerikod kes baru tadi,” ku penerang nya.

Nangkan nya, 16 kes positif Covid-19 dirikod ngujungka kes nambah ngagai 872 kes.

“Tujuh kes dirikod di Pelilih Kuching iya nya lima kes bisi kaul semak ngagai Kluster Green Hill, siku bisi kaul semak ngagai Kluster Baki seraya siti kes ti bisi mandangka kelai tabin enggau batuk tang nadai temu dikena rampit.

Berita penuh Ruai 3 pagila.