MIRI: Bangkai siku peranak Indonesia dipelaba ditagup jagu ba Sungai Bilat udah ditemu ditu tadi.

Nitihka penerang ari Palan Bejalaika Operasyen Bomba Sarawak, sida nerima ripot urung pukul 3.15 lemai ensanus madahka niang Muhammad Syopyan Nasution enggau bakih iya pansut nadai pemendar ari sumil, endur sida gawa.

Seduai nya kena penusah lebuh nguji belalai pansut nengah batang paip ngelayang ke seberai ngelawa Palan Bebelika Barang Emart Tudan.

Lebuh seduai bejalai niti batang paip nya, enda memukai tudah ditagup jagu.

Ba penusah nya, niang ke beumur 24 taun ngena jaket chelum enggau betanchut jen biru.

Lebuh nerima ripot ari bakih niang, iya ngaku niang udah lenyau kena 27 Oktober tu tadi tang enda diripot nyentuk ke kemari.

Operasyen ngiga mega dipejalai bala bakih niang empu tang puntan sebedau sida ngaga ripot polis minta sah.

Tubuh niang putus dua ke alai ari pala nyentuk ke dada udah ditemu pukul 9.15 pagi lalu operasyen tembu pukul 10.30 pagi ba hari kedua.