Peranak Rh Daniel nerima RM5, 000 sepintu dikena ngentak rumah baru

SIMANGGANG: Pengawa ngentak rumah panjai baru ungkup peranak Rumah Daniel Lawie di Guntong Ulu, Batu Lintang, Undop deka disaup Perintah Nengeri.

Sida serumah bisi 17 pintu udah dituntung penusah angus kena 18 Disember taun siti tadi.

Empai lama tu tadi, Menteri Muda Pengelantang Komuniti ti mega Kaban Kunsil Nengeri (Adun) Simanggang Datuk Francis Harden Hollis datai nganjung bantu ramu ngagai sida serumah.

Bantu ramu tu beungkus RM5, 000 ti diberi ngagai tiap pintu.

Bantu tu disuaka iya ngagai Tuai Rumah Daniel ti ngarika sida serumah.

Kelimpah ari nya, ari saup Harden mega sida serumah diatu udah ngena tauka udah disambung karan nyengkaum disaup ba ungkus masang meter.

Awak sehari nya mega bela dikena iya ngabas siku ari peranak menua nya ke diau di Munggu Demam.

Penatai Harden maya tu mai berita manah ngagai Heng Chow Hui alai jalai ngelawa rumah iya deka disemin.

Harden maya tu mai siku kunteriktor ngambi terus nyukat pemesai jalai ngelawa rumah Heng Chow Hui ngambika disemin iya ke sebedau tu agi jalai tanah.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak