KUCHING: Peranak Kpg Karu/Garung diatu udah ulih ngasaika arus penyambung ngena servis Maxis enggau Digi ke baru udah dikemanah serikat telekomunikasyen.

Menteri Muda Pengawa Bekebun enggau Komoditi Willie Mongin madah tu sebengkah ari berita manah ungkup peranak menua nya kelimpah ungkup penguna ke ngena servis Celcom ke dulu agi dikemanah sehari sebedau nya.

“Tu endang berita manah ungkup semua. Serikat Telekomunikasyen Maxis enggau Digi baru tembu ngemanah sambung 3G enggau 4G ba tiang pemanchar Kpg Karu/Garung.

“Terima kasih ngagai rayat menua tu laban chukup puh nganti lebuh ti napi penanggul tu,” ku iya nengah akaun media rama iya ensana.

Berebak enggau nya, Willie meri terima kasih mega ngagai piak bekaul ke udah bebendar mutar penanggul telekomunikasyen enggau lengkas.

“Meri terima kasih besai nuju piak Sacofa. Komiti Komunikasyen Multimedia Malaysia (MCMC), Celcom, Digi enggau Maxis. Enda tinggal mefa ngagai Sapit Direktor MCMC Sarawak Scot Kueh Sui Lek laban chukup kiruh nyaut tanya ari kami siang enggau malam,” ku iya.