KUCHING: Kaban Parlimen Bintulu Datuk Seri Tiong King Sing minta ampun bekaul enggau jaku iya nyebut ‘DG takut mati’ dalam Aum Dewan Rayat apin lama.

Ku iya, pekara minta ampun nya mega digaga awak ulih ngemujurka pejalai aum Dewan Rayat enggau pengelantang menua.

“Aku minta ampun enti kelanjur jaku lebuh ngambi bagi enggau jurai Bajet 2021,” ku iya dalam siti penerang ditu, kemari.

Ku Tiong, iya nadai niat deka nganu pengawa lurus semua pekereja opis pengerai baka lutur, indu misi, raban gawa di luan nyengkaum Direktor Besai Opis Pengerai.

“Aku semina ngambi bagi dalam bejuraika isu Covid-19 ti ngirauka ati ngambika isu nya diputar enggau manah agi.

“Aku enggai ketegal aku siku semua pengawa dalam Dewan Rayat tejanggal,” ku iya.

MINTA AMPUN…Penerang media minta ampun ari Datuk Seri Tiong King Sing.