KUCHING: Serakup Pengajar Bumiputera Sarawak (KGBS) minta perintah nyendiaka atur ke muntang agi ngagai bala pengajar pulai ke menua diri maya kemisi sekula tu.

Presiden KGBS, Ahmad Malie madahka atur nya dikena ngemuntangka pejalai bala pengajar lebih agi sida ti diau jauh ari menua endur gawa.

“Ba penemu KGBS, chukup mih bala pengajar ba menua ulih ngena surat ari Ketuai Opis sida sekalika Prinsipal tauka Kepala Pengajar tauka pengari Ketuai Opis ngambi ngenukuka pejalai sida pulai ke menua.

“Perambu nya ngurangka atur birokrasyen ti deka ditapi bala pengajar ti pansut ari menua ulu kelebih agi ba Sarawak laban nyau minta permit ngagai balai polis,” terang Ahmad.

Ahmad Malie mansutka jaku nya lebuh dirandau pemberita Suara Sarawak, ditu tadi.

Terang iya, birokrasyen tu deka meri pemar ngagai bala pengajar laban engka sida diasuh belama dulu taja pen sida ulih pulai terus.