KUCHING: Tiga anak mit ti bisi penanggul tungkul ati ditabanka ngena bilun ari Kuching ke Pengkalan Soldadu Langit Subang nengah tulung Soldadu Langit Diraja Malaysia (TUDM) ketegal ti begunaka bantu lengkas ba Institut Tungkul Ati Negara (IJN) enggau sebuah sepital swasta, malam tadi.

Nitihka penerang TUDM, ketetiga anak mit nya sebedau tu diperubat ba Sepital Besai Sarawak.

Ku iya, siku anak mit indu, Eliora Mia Nawan beumur 20 hari napi penanggul tungkul ati ‘Transposition Of Great Arteries’ deka diperubat ba Sepital Gleneagles, Ampang.

Udah nya dua iku agi iya nya Marry Anne Methew Mavrick, beumur 19 hari napi penanggul tungkul ati ‘ Congenital Heart Block’ enggau Abang Muhammad AlFatih Abang Mohammad beumur dua bulan napi penanggul ‘Congenital Heart Disease’ deka diperubat ba IJN.

Tandu iya, bela dibai nyempulang anak mit tu iya nya dua iku lutur, dua indu misi enggau indai semua anak mit nya. ABIS