SARATOK: Pemansang pelajar enggau sekula semampai nyadi pekara lumur satu diberi perati.

Sapit Menteri Pengeluar Kuasa enggau Pengeraja Asal, Ali Biju madahka nembiak deka berasai lantang ngiri penemu enti endur belajar disikap ngena perengkaguna ke meruan.

Ku iya, bala pengajar mega deka ransing agi ngajar enti sema kereban disedia chukup nitihka guna dalam enggau luar kelas ngambi pengawa enda tejanggal.

“Taja sekula diatu ditutup ketegal pandemik Covid-19, tang pengawa ngemansangka infrastruktur sekula tetap dipejalaika baka selama.

“Nya kebuah aku ngemendarka agih belanja RM60,000 dikena nyeruri jalai sekula ngambi maya nembiak pulai besekula taun baru deka ngasaika pengelantang nengah jalai tu,” ku iya.

Jaku Ali nya disebut pengari iya, Pengajar Walter Changgai Geramong lebuh nyuaka chek Projek Mit Pemansang Menua Pesisir (MRP) RM35,000 ngagai Serakup Apai Indai enggau Pengajar (PIBG) Sekula Primari Perintah Bansa China (SJKC) Chung Hua, Roban ditu, apin lama ke udah.

Berita penuh Ruai 7 pagila.