KAPIT: Sebuah entukar SUV Honda HR-V ke paking ba mua lot kedai Pasar Sbleteh ditu angus urung pukul 3.20 dini hari tadi.

Raban Bomba enggau Penyah Penusah (Bomba) Kapit nerima kangau ngenyit ari mensia mayuh berumban ngesah kia.

Lebuh datai dia, sida lalu madamka api ti benung mau makai entukar nya nangi enggaika ngerekai ngagai kedai enggau entukar ke bukai.

Api mujur dipadam lalu bateri entukar nya udah dibuka ngambi nadai mansutka karan agi.

Berindik ari nya, pun penusah ke ngasuh entukar angus ngenyit agi dipansik diatu.