KOTA SAMARAHAN: Perintah Sarawak deka numbuhka Palan Pemansik Penyakit Berampit keterubah ba Malaysia di Kota Samarahan beungkus RM190 juta.

Kepala Menteri Datuk Patinggi Abang Johari Tun Openg madahka perengkaguna nya fokus pengawa mansik penyakit berampit.

“Kitai deka ngaul kerejasama rat enggau institusyen menua enggau entarabansa bechuanka Cambridge.

“Pengawa numbuhka palan tu dipasuk dalam Langgur Pemansang Malaysia Lumpar Ke-12 (RMK-12) berengkah ari taun baru,” ku iya.

Abang Johari mansutka jaku nya ngagai pemberita pengudah bejadika Aum Besai Entarabansa Inovasyen, Sains enggau Teknologi ungkup Pengawa Mansik enggau Pekara Pelajar (InnoSTRE) Edisyen Khas nengah online di UiTM Kampus Samarahan ditu pagi tadi.