BALEH: Langgur Pasar Tunoh enggau Padang Bilun Baru Bukit Mabong, nyadi siti ari inisiatif perintah Gempung Parti Sarawak (GPS) numbuhka pemansang ke tegap agi ungkup sitak Dun Baleh.

Sapit Kepala Menteri Tan Sri Dr James Jemut Masing madahka polisi pemansang dibai perintah tebal agi nyelinting pemansang menua pesisir.

Ku iya, tuju bejalaika sekeda projek infrastruktur pemun ti meri empas besai endang dikena ngerumban pengawa ngemansangka kandang menua nya.

“Ambika chunto baka Tekat Ai Hidro Baleh, Jematan Batang Baleh, Jematan Sungai Mujong enggau Jalai Nanga Mujong/Tekat Ai Baleh (73KM) ulih nyungkak pemansang ditu.

“Aku besai amat pengandal projek tu mega ulih matak mayuh agi aktiviti ekonomi enggau pemeranak puku datai kitu jemah ngambi sama ngemansangka menua tu,” ku iya.

Masing mansutka jaku nya ba mua mayuh lebuh ngulu Program Pemesai Begulai Enggau Rayat ba Rumah Lamau, Teluk Buing, Baleh, ensanus.

Berita penuh Ruai 2 pagila