Balai Bomba ungkup Kabong

KABONG: Sebuah balai bomba deka didiri ditu dikena nangkup peminta rayat ke diau ba pelilih tu.

Sapit Menteri Pengeluar Kuasa enggau Pengeraja Asal, Ali Biju madahka tu berita pemadu manah ngagai peranak ditu baka ti udah dipinta sida.

Ku iya, balai bomba tu beguna amat lebih agi lebuh beratika penusah besai ti nuntung peranak ditu ketegal nadai disikap ngena perengkaguna nya.

“Udah nyadi tanggung pengawa perintah nyendiaka perengka guna ti ulih ngesah enggau mantu rayat nadai ngira jam.

“Nya alai aku deka beratika pengawa ngaga sebuah balai bomba ba pelilih Kabong ditu.

“Aku deka berandau enggau YB Menteri ba Opis Menteri Pengawa Berumah enggau Kaunsil Kandang Menua (KPKT) pasal peminta tu enggau lengkas.

“Aku mega deka mantaika perambu ngaga Balai Bomba Kabong dipasuk dalam Atur Pemansang Malaysia Lumpar Ke-12 (RMK-12) ari taun 2021 nyentuk ke 2026.

“Udah nerima berita ari YB Menteri KPKT, aku deka madah enggau mai berita ngagai kita ditu,” terang Ali silik.

Ali mansutka jaku nya lebuh dirandau Suara Sarawak udah iya ngabas gaya penusah karam di darat ba Kampung Hilir Tengah, Sungai Pala ditu, kemari.

Berita penuh Ruai 7 pagila

Suara Sarawak