Mesti bekerejasama ungkup pemansang – Khere Chiang

KUCHING: Peranak ba Kampung Quop mesti bekerejasama enggau ngiarka penemu ti bebida ungkup pemansang ba genturung pendiau sida, pia ku Chairman Majlis Perbandaran Padawan (MPP) Lo Khere Chiang.

Ku iya, Kampung Quop nya sebuah genturung pendiau nya lain laban ngembuan genturung pendiau ti besai sereta bisi sejarah ke patut ditan.

“Ukai mudah ngaduka sebuah genturung pendiau ti besai baka Kampung Quop tu.

“Aku ngarapka peranak ditu sedarka pekara tu laban penatai pemisi Sarawak nambah lalu mayuh agi projek ulih dipejalai ba Kampung Quop,” ku Khere Chiang.

Khere Chiang mansutka jaku nya pengudah mendingka penerang ari Komiti Pemansang enggau Pengelikun Genturung Pendiau (JKKK) Kampung Quop pasal projek nyeleti genturung pendiau ba Balai Mayuh Guna Kampung Quop, ditu tadi.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak