MUKAH: Tanggung pengawa Komiti Pemansang Enggau Pengelikun Genturung Pendiau (JKKK) deka terus dikemanah nengah atur baru JKKK ti udah dikemendar Opis Kepala Menteri Sarawak kena 24 September 2020.

Kaban Kunsil Nengeri (Adun) Balingian, Abdul Yakub Arbi nerang, atur baru tu digaga ngambika komiti JKKK ulih nyadi penegap ngagai sistem tusun pengawa Perintah Nengeri Sarawak.

“Bengkel negapka polis komuniti endang lebih fokus negapka tusun pengawa perintah nengeri Sarawak,” ku iya.

Abdul Yakub nerangka pekara nya maya Program Polis Komuniti Renggat Pelilih Mit Balingian diatur ditu kena Hari Enam tu tadi.

Nangkan ke nya, iya mega nangkan bala kaban JKKK patut nyadi ketuai ti nyukung juluk perintah enggau nerangka polisi perintah ngagai nembiak redak.- Ukas