KUCHING: Atlit gumpal isi Malaysia ransing ati ngulihka midul emas ba Lumba Sea di Vietnam dalam bulan November taun baru.

Buda Ancah ke mega atlit gumpal isi Sarawak madahka pengagit diri laban pekit gumpal isi bisi dipekit ba lumba renggat menua Asia nya.

“Enti nadai nanggul, tu ketiga kali aku bepekit ba Lumba Sea ke alai sebedau tu bepekit di Thailand dalam taun 2007 enggau Myanmar 2013.

“Sekali tu aku deka nyendiaka diri dikena ngulihka midul emas enti dibanding di Myanmar semina bulih midul engkeraju aja,” ku iya lebuh dirandau Suara Sarawak, tadi.

Ngenang pekara bukai, iya madahka bisi tiga pekit deka digulu sepanjai taun 2021 ila.

“Tu nyengkaum Pekit Gumpal Isi enggau Tubuh di Pulau Maldives dalam bulan September.

“Pekit Gumpal Isi Dunya di Uzbekistan dalam pun bulan November enggau Lumba Sea 2021 di Myanmar baka udah dipadah tadi,” ku Buda nyimpul randau.