KUALA LUMPUR: Sepenyampau 6.4 juta tuai bilik (KIR) di Malaysia udah ngisi penerang ba laman internet rasmi Banci Rayat enggau Rumah Malaysia 2020 nengah chara online, e-Census naka 6 Disember tu tadi.

Menteri ba Opis Menteri Besai (Pekara Ekonomi) Datuk Seri Mustapa Mohamed madahka penyampau nya 19.7 peratus ari 32.7 juta peranak ba menua tu.

“Kami bisi 13 agi sebedau e-Census abis lalu kami ngarapka tagit 30 peratus peranak ti ngisi e-Census nya tejapai ba ujung taun tu,” ku iya lebuh nyaut tanya, ditu kemari.

Mustapa mansutka jaku nya lebuh nyaut tanya Wong Shu Qi (DAP-Kluang) ti deka nemu peratus pemadu baru tuai bilik enggau peratus ti udah ngisi penerang sida dalam website banchi naka tu engau tagit peratus banchi dalam online ti deka dijalai Opis Perangkaan Malaysia (DOS).

Ku iya, Banchi 2020 dipejalai ba dua renggat ke alai renggat keterubah dipejalai kena 7 Julai ngagai 30 September enggau renggat kedua nya kena 7 ngagai 24 Oktober tu tadi.

Tang, timpuh ba renggat keterubah nengah online udah dilanjar nyentuk 21 Disember enggau renggat kedua chara betemu mua dipejalai kena 20 Januari ngagai 6 Februari 2021 ketegal pandemik.

Nangkanka nya, Mustapa  madahka opis menteri diatu bejalaika bemacham inisiatif ngambika mensia mayuh ngisi penerang dalam online baka ba Sabah semina ngerikod 6.7 peratus aja lalu peratus pemadu baru ngisi e-Census.

“Nya alai, dikena nambahka peratus ngisi e-Census, 1,700 klinik udah dipejalai iya nya e-Census Hour enggau e-Census Day nengah online,” terang iya-BERNAMA.